Покрај тоа, добивате и сериозно развиена богата рецептура и „know-how“ за производи кои не се продаваат на друго место кај нас. Брендот е одлично воден на социјалните мрежи Фејсбук (10.000 фанови) и Твитер, дополнето со сериозно развиена стратегија за негов развој.

Досега се испочитувани сите стандарди за работење на ваков тип на објекти, меѓу кои и заштита на брендот во Заводот за заштита на индустриска сопственост.

Секако, ние сме на располагање во секое време да ви помогнеме за сè што ќе ви биде потребно за да го продолжите работењето на Caramelo™.

Доколку сте заинтересирани да го поседувате првиот македонски, веќе изграден бренд на „coffee to go“ кафетерии, можете да нѐ контактирате на:

• телефон: 078-224-211, 078-224-212
• е-mail: kontakt@caramelo.mk
• Facebook: facebook.com/caramelotm
• Twitter: twitter.com/caramelotm

Ете, се случи и тоа. Иако, не верувавме дека ќе се разделиме, сепак мораме да ве информираме дека од среда, 1-ви февруари, престануваме со работа.

Не сакаме да ве оптоваруваме со деталите за причините кои нѐ наведоа на овој чекор, туку само сакаме да бидеме доследни до крај и да ви ја соопштиме оваа вест, затоа што вие сте нашиот најверен партнер. Без вас, Caramelo™ немаше ниту да постои!

Се надеваме дека во иднина, кога ќе бидат исполнети сите неопходни услови и кога некои прилики ќе се променат, Caramelo™ повторно ќе работи, а ние секојдневно ќе се дружиме. Дотогаш, не дозволувајте никој да ви кажува што е добро и квалитетно кафе. Вие тоа веќе го знаете.

Ви благодариме за сите прекрасни мигови и разговори што ни ги подаривте во овие две години.

Му честитаме на среќниот добитник и го очекуваме во текот на утрешниот ден по својот прекрасен бел iPod touch!

На видеото подолу погледнете го извлекувањето:

Ви благодариме на учеството на сите и ви ветуваме уште некоја интересна наградна игра наскоро.

Од денес, 28-ми ноември, во 15:00 часот, започнува големата наградна игра на Caramelo™. Наградната игра ќе трае еден месец. Извлекувањето на среќниот добитник ќе биде на 28-ми декември, во 15:00 часот. Наградата e iPod touch со прединсталирана iCaramelo апликација.

Правила
Секој учесник во наградната игра добива картичка со место за три печати. Со кој било купен пијалак се добива еден печат. Откако ќе ги соберете сите три печати, на задната страна од картичката (која ја добивате во Caramelo™) ги впишувате вашите податоци и картичката ја уфрлате во наградниот сад за картички.

Бројот на картички со кои можете да учествувате е неограничен. Секако, колку повеќе картички пополните – толку е поголема веројатноста да го освоите прекрасниот iPod touch!

Со оглед дека извлекувањето е на 28-ми декември, ова ќе биде вистински новогодишен подарок за вас или некој близок кој посакува iPod touch. Така и ние ќе ја надополниме веселата атмосфера, со уште еден прекрасен подарок кој ќе го освои некој од вас.

Бити токму ти, тој што ќе ја освои вредната награда и ќе може да се пофали дека го има едно од најновите достигнувања на техонологијата.

Затоа, не чекајте, туку веднаш започнете со собирање на неопходните печатчиња! iPod touch чека само на вашиот допир!

Со оглед дека музиката од нашата видео анимација за апликацијата iCaramelo многу ви се допадна и добивме многу позитивни реакции, ние решивме веднаш да ви излеземе во пресрет. Доколку покрај апликацијата, сакате да ја имате и музиката, ние ви подготвивме можност да ја симнете и да ја ставите како рингтон на вашиот мобилен телефон.

Верзија за iPhone     |     Верзија за останати

Се надеваме дека секогаш кога ќе ја слушнете, ќе ве потсети на нешто убаво, пријатно и вкусно, какво што е нашето кафе и Caramelo™.

Со особена чест и задоволство ви ја претставуваме официјалната Caramelo™ апликација, која од денеска можете бесплатно да ја преземете и да ја инсталирате на својот iPhone, iPod touch или iPad.

iCaramelo e апликација со која ќе можете лесно да ја пронајдете вашата омилена Caramelo™ локација, да ѕирнете во нашето богато мени пред да се решите што сакате да се напиете, или да стапите во директен контакт со нас за секоја дополнителна информација.

Но тоа не е сѐ. Со апликацијата можете да споделите дека сте во Caramelo™ и во кој пијалак уживате во моментот. Едноставен и интересен начин за поддршка на вашата социјална комуникација. Покрај тоа, ќе можете да ги дознаете сите најнови вести од Caramelo™ и секако, нашата понуда на денот.

Апликацијата ја изработија нашите пријатели од колектив™, за кои веќе добро знаете дека се задолжени за комплетното градење на брендот Caramelo™.

Преземете ја iCaramelo, бесплатно, на App Store!

Со оглед дека секогаш сакаме да бидеме поблиску до вас, полесно да комуницираме и брзо да одговориме на вашите желби и потреби, Caramelo™ веќе од вечерва можете да го следите и на Google+. Да, да… повторно сме први!

Кликнете тука за да нѐ додадете во некој од вашите „Circles“.

Имено, од денес, сите светски брендови може да направат свој профил на Google+ и преку него да комуницираат со своите фанови. Бидејќи вие сте најважниот дел од приказната наречена Caramelo™, ние веднаш се решивме да направиме профил и на оваа социјална мрежа.

И согласно нашиот слоган: „Секаде. Секој ден.“, ние ќе направиме сѐ за да бидеме секаде. Секој ден.

ве известуваме дека кафетеријата Caramelo™ нема да работи во периодот од 08.08.2011 до 21.08.2011 година, поради годишен одмор. Се надеваме дека оваа вест нема многу да ве растажи, особено што се во прашање само две недели.

Во меѓувреме, ние ќе се подготвуваме за нашата повторна средба, која ви ја закажуваме за понеделник, 22.08.2011. Со нетрпение ќе го очекуваме овој ден, за повторно да ви го сервираме најдоброто кафе кое може да се најде во Скопје.

Ви пожелуваме пријатен и забавен одмор на сите!

Мраз студено кафе кое вистински ќе ве освежи во текот на летните денови. Рецептот е едноставен – нес кафе, млеко, сируп, шлаг, карамел прелив и мнооогу лед. ФРАПИСИМО^® е густо, студено и вкусно кафе, кое веруваме дека одново ќе ве тера да дојдете кај нас.

Неговата цена е 100 денари за големо кафе од 400 мл. За таа сума добивате барем половина ден разладување и секако, она во што најмногу уживате – вистинско кафе.

ФРАПИСИМО^® 400 мл  »  100 ден.

АЈС КАФЕ е пенесто нес кафе со студено млеко, чоколаден прелив и топка вкусен сладолед.

АЈС КАФЕ 330 мл  »  90 ден.

СМУДИ е комбинација од неколку освежителни овошја со многу лед. Наш оригинален рецепт, надополнет со тајна освежителна состојка, подготвен да го направи ова лето посебно.

СМУДИ 400 мл  »  110 ден.

Ние му упативме предизвик на летото. Останува уште вие да дојдете и да уживаме заеднички.

И Caramelo™ се вклучува во акцијата посветена на Наташа Пановска. На Наташа ѝ беше дијагностицирана Акутна миелобластна леукемија AML-M2/M4. Претходно, во текот на 2009 година, беше направена трансплантација на коскена срцевина.

Но, на контролата на 06.05.2011 е дијагностициран релапс на болеста што подразбира повторно долготрајно лекување и повторна трансплантација. Операцијата треба да се направи во Берлин и потребни се огромни средства, поточно околу 200.000 евра, кои семејството на Наташа не може да ги обезбеди.

Од сега натаму, Caramelo™ во рамки на своите можности ќе ги поддржи сите слични акции, со цел да помогнеме да се спаси нечиј живот. Затоа што сме длабоко уверени дека нема ништо поважно од животот. Живот полн со здравје.

На 1-ви јуни, половина од остварениот приход, Caramelo™ ќе го донира за лекувањето на Наташа Пановска. Ве повикуваме заедно да помогнеме да се врати насмевката на лицето на оваа млада девојка.

За жал, само неколку часа подоцна ја примивме тажната вест дека почина сопственикот на компанијата „Ferrero“, Пјетро Фереро. Ако господинот Фереро и неговото семејство беа толку добри кон нас и ни ги создадоа најубавите слатки задоволства како „Рафаело“, „Нутела“ и „Киндер Буено“, сметавме дека најмалку што можеме да направиме е да му оддадеме мала почит.

Поради тоа, од денес, нашето ново кафе РАФАЕЛО ќе го носи неговото име – ПЈЕТРО ФЕРЕРО или скратено ФЕРЕРО. Ако секое „Рафаело“ колаче измамува гласни воздишки кога ќе го вкусиме, се надеваме дека и нашето ФЕРЕРО кафе ќе ги измами истите воздишки и ќе се потсетиме барем за момент на човекот кој ни го подари тоа задоволство.

И решивме дека не можеме, а да не ги споделиме со вас. Ќе беше навистина себично да си ги сочувавме само за нас. Оваа „limited edition“ ја сочинуваат три кафиња: РАФАЕЛО ФЕРЕРО, КАКАО ЛАТЕ и АРОМА МАКИЈАТО.

РАФАЕЛО ФЕРЕРО кафето е наменето за сите оние кои уживаат во врвните Raffaello колачиња. Кафе, кокос, шлаг, млеко и топинг од кокос и лешници.

РАФАЕЛО ФЕРЕРО 330 мл  »  90 ден.

КАКАО ЛАТЕ е уникатна комбинација од еспресо, какао и млеко. Со оглед дека нашето еспресо во себе има чоколадна нота, со какаото му ја дадовме сета онаа силина која ќе ве остави на нозе цел ден. Кафе посветено на сите кои уживаат во јако кафе.

КАКАО ЛАТЕ 250 мл  »  70 ден.

И на крајот АРОМА МАКИЈАТО, кое ќе ја ослободи вашата фантазија. Нашето прекрасно макијато надополнето со арома по ваш избор. Чоколадо, ванила, минт, бадем, кокос, лешник, карамел, цимет… изборот е речиси бескраен. Останува само вие да ни ја откриете вашата желба.

АРОМА МАКИЈАТО 180/250 мл  »  50/60 ден.

Со нетрпение ве очекуваме да ги споделите со нас вашите мисли и чувства за новите кафиња.

Иако, услугата Facebook Places од денес е и официјално достапна во Македонија, ние во Caramelo™ ја користиме уште од ноември минатата година. Нашата Facebook Places страница е веќе интегрирана и соединета со фан страницата на Caramelo™.

Facebook Places ви овозможува да се пријавите на некое „место“ или сами да креирате ново место како кафетерија, ресторан, вашиот омилен бутик или било кое друго место. Со пријавувањето ќе можете на другите да им покажете каде сте биле. За да видите кој сѐ бил во Caramelo™, само треба да оберете Friend Activity од менито кое се наоѓа лево под сликата на нашата Facebook страница.

Caramelo™ активно ги поддржува новите друштвени мрежи за лоцирање. Затоа, кај нас, нашиот Foursquare градоначалник има 25% попуст на сите кафиња и пијалаци додека е на функција. Па, сите корисници и на Facebook Places нека очекуваат нови изненадувања од Caramelo™.

По повод нашиот прв роденден, го промовираме и нашиот слоган – Секаде. Секој ден. Слоган кој го отсликува она што Caramelo™ сака да биде: секаде присутен, секојдневно.

Нашите кафиња и пијалаци можете да ги консумирате секаде каде што ќе посакате – на работното место, дома, во парк, на факултет или на училиште, додека се возите или додека сте во шопинг. Нема ограничување.

И тоа нека биде секој ден.

Повелете и уживајте во вистинско кафе секој ден!

И каков роденден би било тоа ако го прославиме без вас? Затоа, во сабота на 05.03.2011 година, ве покануваме заедно да уживаме во денот кога се роди Caramelo™. Бидејќи вие сте најважната работа за нас, за тој ден подготвивме специјална понуда. Понуда која веруваме дека ќе ви се допадне. Во сабота ќе може да уживате во сите наши кафиња. И тоа бесплатно! Цел ден! *

Ве очекуваме, за да го прославиме заедно овој убав ден!

* Промоцијата важи по принципот „Едно лице – еден пијалак“.

Секоја година, последната недела од јануари е посветена на превенција на ракот на грлото на матката. Здружението за борба против рак „Борка – за секој нов ден“ реализира едукативна кампања, како дел од оваа недела. Кампањата е дел од глобалната кампања „Бисер на мудроста“.

Ракот на грлото на матката е една од најсериозните болести која ја погодуваат женската популација. Затоа, здружението ги повика сите девојки и жени да сторат сѐ за превенција, преку редовни гинеколошки прегледи, ПАП тестови, одговорно сексуално однесување и вакцинација против ХПВ вирусите.

И Caramelo™ активно се вклучува во одбележување на овие 7 дена, особено поради фактот што голем дел од нашите гости ѝ припаѓаат на женската популација. Дел од промотивниот материјал можете да го најдете и кај нас, а нашиот персонал може да ви даде основи податоци за кампањата и да ви објасни каде можете да се обратите за повеќе информации.

За нас, здравјето е поважно од сѐ! А за вас?

Foodspotting е апликација која ви помага да решите што и каде да јадете и да се напиете, да прочитате што другите мислат за определен ресторан, кафетерија, специјалитет или пијалак. И тоа во било кое место на светот.

Токму затоа и Caramelo™ реши да направи Foodspotting Guide за своето мени, со 5 пијалаци за кои сметаме дека се најдоброто или најпосебното што може да се најде во нашиот град. Го нарековме „Скопски водич за вистинско кафе“.

Покрај тоа, има и уште едно изненадување. Секој од вас кој ќе „забележи“ некој од 5-тe пијалаци на Foodspotting – ќе добие беџ, како знак на внимание за вашата посветеност на кафето и на Caramelo™.

И, да… ќе заборавевме да се пофалиме – како и со Foursquare и сега Caramelo™ е прв на Foodspotting!

Сите чаеви ќе можете да ги вкусите во Caramelo™ по цена од 40 денари, а доколку сакате да уживате во MHAIDIVA чаевите во домашни услови, ќе можете да купите кутија чај по цена од 160, 210 и 230 денари.

Ве очекуваме на топла атмосфера и вкусен чај!

Долго време баравме производ кој гордо ќе го презентираме и ќе го понудиме пред вас. Со оглед дека нашите и вашите критериуми за квалитетен производ се мошне високи, таа потрага беше навистина тешка и макотрпна.

Но, конечно успеавме да го пронајдеме она што заслужува да се најде во Caramelo™. Станува збор за, ни повеќе ни помалку, шампањот на чаевите – MHAIDIVA. Овој производ ни доаѓа директно од татковината на најквалитетните чаеви – Шри Ланка.

MHAIDIVA е персонификација на сѐ она што го прави животот вреден за живеење. Муза која ни подарува вистински чај кој има неповторливо посебен вкус. Чај кој ни докажува дека овој пијалак има вкус кој трае и не е само обична обоена вода со некаков мирис.

Ние донесовме цела палета на вкусови во кои ќе се пронајде секој. Од јасмин и нане, преку карамел, мед, цимет и ванила, овошни вкусови од манго, банана и диња, па сѐ до совршеноста на ориенталните вкусови. Вкупно 32 вкуса во кои можете да уживате или во Caramelo™ или во домашни услови.

Новост е дека MHAIDIVA чаевите, освен во Caramelo™, ќе можете да ги купите и да ги консумирате во домашни услови. Освен тоа, можете да ги одберете и како подарок, спакуван во луксузна и ексклузивна кутија од дрво и да ја подарите на некоја вам многу драга личност.

Доказ за врвниот квалитет е тоа што чаевите на MHAIDIVA се пакувани во пирамида кесичка, која не содржи целулоза и целокупната содржина на чајот, со сите вредни состојки, се пренесува во вашата шолја.

Интересно е да се спомене дека целиот чај е рачно собиран и тоа само од страна на жени и дека една од причините за повисоката цена на чајот, покрај квалитетот, е и тоа што MHAIDIVA внимава на еднаквоста и фер односот при плаќањето на одгледувачите на чајот. Ќе признаеме дека во денешни услови тоа е вистинска реткост.

Сметаме дека ова се доволно интересни информации кои ќе ве натераат да дојдете во Caramelo™. Останатото препуштете ни го нам.

Конечно, нашето мени се прилагоди на студените зимски денови. Со оглед дека нашата понуда треба да ги исполни вашите желби, ви понудивме 14 предлози за нови кафиња и ги ставивме на гласање. Така, сите заедно решивме дека во новото мени ќе имаме 5 нови кафиња и 3 навистина посебни пијалаци.

Нашиот дел со кафиња од денес е збогатен со ТОФИ со вкус на лешник и карамел, кафе БОРЏИЈА со црно чоколадо и портокал, потоа АФТЕР8 со вкус на чоколадо и минт, ЗИМСКО КАФЕ со вкус на печен лешник и црно чоколадо и ИТАЛИЈАНО со вкус на бадем и вишна.

Посебните пијалаци ги надополнивме со ТОПОЛ СОК ОД ЈАБОЛКО, кој веќе 2 недели е на менито, потоа традиционалниот зимски сладок пијалак САЛЕП и нешто навистина посебно, кое веруваме за прв пат ќе може да се вкуси кај нас. Станува збор за СОЛЕНО ТОПЛО ЧОКОЛАДО. Неверојатно вкусна комбинација од топло чоколадо и лешник, сервирано со шлаг, карамел и мешавина од кристали на морска сол и шеќер.

Со ова надополнување, нашето мени има преку 40 различни кафиња и пијалаци во кои секојдневно ќе уживаме. Новото мени можете да го погледнете на нашиот веб-сајт, Фејсбук страница или најдобро – директно во Caramelo™. Таму ве чека нашиот персонал, кој е расположен во секое време да ги исполни сите ваши желби.

Ве чекаме на вкусни кафе моменти во Caramelo™.

ТОПЛИОТ СОК ОД ЈАБОЛКО е веќе на менито, а во наредните денови ќе можете да ги израдувате вашите сетила со САЛЕП, СОЛЕНО ТОПЛО ЧОКОЛАДО и 5 сосема нови кафиња. Но, кафињата сакаме да ги одбереме заедно со вас. На тој начин и задоволството ќе биде заедничко.

Ви предлагаме 14 кафиња, а вие ќе треба да одберете 5 кои најмногу би сакале да ги видите на менито на Caramelo™.

Со нетрпение ги очекуваме вашите предлози!

• • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • •

Гласањето заврши!

Им благодариме на сите што гласаа.

Сигурно ќе се запрашате зошто токму оваа книга? Причината е едноставна. Starbucks и Caramelo™ работат на ист принцип. Сите во тимот се партнери, а на пиедесталот се нашите гости, кои се наши блиски пријатели. А ние, како добри домаќини, сакаме пред вас да се покажеме во најдобро светло. Затоа, освен пијалак, ние ви подаруваме и убава атмосфера, пријатен разговор и искрена насмевка.

А, уште ако успееме за момент да направиме да се почувствувате пријатно како да сте дома – нашата мисија е исполнета!

Овој пијалак во себе ја има кралицата на есента – јаболкото. Чистиот сок добиен од јаболко, надополнет со најмиризливиот зачин на светот – циметот, стоплен под врела пареа и сето тоа прелиено со најквалитетниот ливадски мед ќе биде највкусната заштита во студените месеци пред нас.

Во Македонија, ТОПОЛ СОК ОД ЈАБОЛКО, можете да најдете единствено во Caramelo™.

ТОПОЛ СОК ОД ЈАБОЛКО 250 мл  »  60 ден.
сок од јаболко, цимет и ливадски мед

Можете да го порачате во две дози: мала доза од 180 мл и голема доза за цел ден од 250 мл. Веруваме дека одличниот избор на филтер кафе во комбинација со пријатната амтосфера ќе направи вистински да ја почувствувата магијата на вашиот омилен пијалак.

ФИЛТЕР КАФЕ Jacobs 180/250 мл  »  40/50 ден.

Претпоставуваме дека сте се запрашале што претставуваат оние чудни мали коцкички на влезот во Caramelo™. Еве, конечно, да ја одгатнеме тајната. Станува збор за QR или quick response код, кој содржи определени информации кои може да ви бидат од голема корист.

Имено, сѐ што треба да направите е да го скенирате кодот со QR апликација која ја користите на вашиот мобилен телефон и сите наши податоци за контакт автоматски ќе се зачуваат во вашиот телефон. Така, без многу напор, ќе го имате телефонот, адресата и електронските контакти од вашето омилено место за кафе.

Со оглед дека во светот употребата на QR кодот се шири со брзина на светлината, ние наскоро ќе поставиме и други кодови кои ќе водат директно до нашиот веб-сајт, ќе овозможат автоматско „чекирање“ на Foursquare и слично… буквално сѐ што ќе ви биде потребно за да бидете во постојан контакт со нас.

За оние, пак, кои секогаш сакаат да знаат нешто повеќе од другите, им го препорачуваме следниот линк: http://en.wikipedia.org/wiki/QR_Code.

Затоа, решивме неговото навистина посебно макијато да го ставиме во менито и да го наречеме „Зоки Бејбе“ макијато. Не за друго, туку да можеме сите да уживаме во неговиот рецепт. А, за рецептот како да уживате во музиката и животот – ќе мора лично да го прашате.

Рецепт: Малку продолжено еспресо со 1 сантиметар млеко и никако крема од млеко. Сето тоа зачинето со бескрајно уживање во животот и добрата музика.

ЗОКИ БЕЈБЕ МАКИЈАТО 180 мл  »  50 ден.

Станува збор за комбинација од млеко, овошје и секако многу лед. Можете да се насладувате во вкусовите на чоколадо, ванила, банана, праска или карамел. Или, пак, во некоја нивна креативна комбинација по ваш избор.

ШЕЈК 330 мл  »  90 ден.
чоколадо • ванила • банана • праска • карамел

Од самото отворање на Caramelo™ уживаме во чоколадниот вкус на МОКА и МОКАЧИНО. Сега решивме да го надополниме уживањето со кафе кое во себе повторно има чоколадо, но овој пат бело чоколадо. Во комбинација со какао, прелив од карамел, топинг од бело чоколадо и мраз е навистина супер избор за летните денови.

Затоа, ве очекуваме со нетрпение. Вас, љубителите на кафето и белото чоколадо.

БЕЛО МОКАЧИНО 400 мл  »  120 ден.
2 дози кафе, бело чоколадо, какао, млеко, крема, шлаг, карамел прелив, топинг од бело чоколадо

БЕЛА МОКА 330 мл  »  80 ден.
1 доза кафе, чоколаден сируп, млеко, крема, карамел прелив

Изборот се одвиваше во две фази. Во првата фаза, сите посетители на форумот на IT.com.mk можеа да гласаат за пријавените предлози, а во втората фаза стручното жири ги разгледуваше само оние кои добија најмногу гласови од посетителите.

Во таа конкуренција, caramelo.mk се искачи на победничкиот подиум и го освои третото место. Едноставно, естетика par excellence.

Организаторите одлично си ја завршија работата и им посакуваме овој натпревар во иднина да го собира целиот македонски дизајн свет.

Повеќе за натпреварот тука.

Затоа, Caramelo™, наместо пиво и досаден фудбал, ви нуди внимание, одлично кафе, дружење и разговор за она што навистина ве интересира. И 30% попуст за секоја жена/девојка која ќе нѐ посети и ќе го нарача своето омилено кафе во термин кога има фудбалски натпревар од светското првенство.

Токму поради тоа, овој ЖЕНСКИ пакет и го нарековме „НЕ ГЛЕДАМ ФУДБАЛ“. Знаеме дека некој ќе нѐ осуди за полова дискриминација, но ние едноставно не можеме да си помогнеме. Сакаме Caramelo™ да биде вашето место каде ќе избегате од фудбалот и ќе бидете центар на вниманието. Впрочем, како и што заслужувате.

Caramelo™ постојано ги следи најновите технолошки достигнувања и ги употребува со цел да биде што поблиску и што подостапен за вас. Неодамна, во видео интервјуто со нашата маркетинг агенција колектив™, дадено за komunikacii.net, ви најавивме дека ќе го примениме Foursquare. Интервјуто можете да го погледнете тука.

Чекавме на официјално одобрување од Foursquare. Конечно го добивме и денес објавуваме дека гостинот кој ќе стане градоначалник (Mayor) на Caramelo™, добива 25% попуст на сите наши пијалаци, сѐ додека е „на функција“.

Тој/таа што ќе стане градоначалник е должен да покаже од својот телефон дека го има беџот за градоначалник и да си одбере пијалак кој ќе го добие со 25% попуст.

Така, Caramelo™ е првото и единствено место кое нуди поволности за корисниците на 4sq кај нас и место кое ќе ви овозможи да станете градоначалник без да имате гласачи и да ги искористите сите предности кои ги нуди оваа функција, без некој да ве осуди за тоа.

Се надеваме дека овој период ќе биде исполнет со заедничко дружење и разговор на нашата омилена тема – кафето.

Кафетеријата Caramelo™ секојдневно го дополнува своето мени, својата програма и промотивните активности. Токму поради тоа ние креиравме уште една можност како да бидеме подостапни и поблиску до вас. Нова можност со која ќе ја олесниме меѓусебната комуникацијата и ќе се зближиме уште повеќе.

Имено, сега можете да го додадете нашиот календар со пијалакот на денот за претстојната недела во вашиот Google календар и секој ден да добивате известување по SMS на вашиот мобилен телефон!

Еве како да го додадете календарот во неколку навистина едноставни чекори:

• кликнете на копчето „Add to Google Calendar“ подолу

• откако календарот ќе се додаде, кликнете на календарот „Caramelo™ ПИЈАЛАК НА ДЕНОТ“ во колоната „Other calendars“, изберете „Notifications“ и изберете какви известувања сакате да добивате на вашиот мобилен телефон

Доколку опцијата за известувања по SMS не е активна, направете го следново:
• во „Settings“ изберете „Mobile Setup“
• изберете „Macedonia (Македонија)“, внесете го вашиот телефонски број и кликнете „Send Verification Code“
• внесето го кодот кој го добивте по SMS во полето и кликнете „Finish setup“

И тоа е сѐ. Останува уште последниот чекор – да дојдете во Caramelo™ и да уживате во вашиот омилен пијалак.

Кафетеријата Caramelo™, за своите редовни гости, нуди една нова, посебна можност – гратис картичка со која секој петти пијалак е бесплатен! Картичка која не само што нуди подарок, туку и означува припадност. Припадност кон екипата која знае што е врвно кафе.

Затоа, повелете во Caramelo™ за да ја подигнете вашата картичка и да уживате во пијалаците подготвени само за вас.

Можете да изберете помеѓу Cremissimo® чоколадо, Cremissimo® ванила и Cremissimo® ирско кафе. Изборот останува на вас. А ние ви ветуваме две работи: ќе ви го подариме најубаво кафе во Скопје и многу добро расположение.

Ве очекуваме.

Cremissimo® чоколадо, ванила или ирско кафе 330мл » 80ден

Така, уште повеќе го прошируваме изборот, кој сакаме целосно да одговори на вашиот посебен, истенчен вкус.

Рецептот е едноставен: доза кафе, соино млеко, крема и прекрасен топинг од кршен посен кекс. Значи, не мора воопшто да се откажете од вашиот омилен пијалак – дојдете во Caramelo™ и уживајте во постот.

ПОСНО КАФЕ 180 мл/250 мл » 50/60ден

Постои и една друга посликовита приказна, но, таа повеќе е дел од легендите и традицијата на народите во овој дел на Африка. Имено, еден етиопски козар бил видно изненаден и зачуден од живото и енергично однесување на неговите кози откако тие јаделе од црвените плодови кафе. Затоа, се смета дека токму тој козар, чие име никој не го знае, е првиот кој го открил овој плод. Таа легенда е позната и како „Легенда на разиграните кози“.

И, сега сигурно ќе се запрашате: од каде врската помеѓу кафето и Арапскиот полуoстров? Приказната за кафето оттука добива сосема друга насока. Во тоа време робовите од Судан, при нивното пренесување во Арабија и Јемен, јаделе токму од овој плод за да го издржат напорното патување. Определено количество од овие плодови го донеле со себе и на оваа територија.

Таму, на крстосницата на старите светови, започнува организирано да се одгледува и да се произведува кафе. Првите податоци датираат од 15-от век, кога во Суфи манастирите во Јемен започнува одгледувањето, а подоцна и пиењето на кафе. Од овие предели започнува патувањето на кафето околу светот.

Арапите, иако имале многу строга политика за извоз на кафе, холанѓаните сепак успеале да донесат неколку дрвца. Во 1696 година, градоначалникот на Амстердам, Николас Витсон, му дал неколку дрвца на еден од командантите на холандската војска во Индонезија. На тој начин, кафето е пренесено во овој дел на светот.

Понатаму, во 1714 година, едно дрвце со големина од половина метар холанѓаните му го испратиле на Луј XIV. Французите го посадиле во Ботаничката градина во Париз. Оттаму, кафето се пренесува на запад кон тропските предели на Карибите и во бескрајните плодни земјишта на Латинска Америка. На тој начин, тајната која арапите така љубоморно ја чуваа, на наша радост, ја дозна целиот свет.

Првата кафетерија е отворена во Мека и се нарекувала „кавех канес“. Понатаму, бројот и популарноста на кафетериите постојано растел и тие станале средиште на социјалниот и деловниот живот. Во нив се играло шах, се озборувало, се фаќало сеир, се пеело и играло. Впрочем, како што е и ден денес. Затоа и се вели дека кафето ги поврзува времињата. Плод кој го носи мирисот на некои одамна минати денови.

Во Европа, првата кафетерија е отворена во Венеција во 1683 година. Една од најпознатите била Caffe Florian на плоштадот Сан Марко, која била отворена на почетокот на XVIII-от век. Ова место постои и денес и вљубениците во кафето сѐ уште уживаат во совршениот вкус.

Со тек на времето, бројот на кафетерии се шири како пожар низ целиот светот. Кафе револуцијата лесно ги освои сите земји и народи. Денес, овој пијалак суверено владее со нашиот префинет и истенчен вкус.

Во тоа време, водата морала да се преврива по наредба на самиот император, со цел да се подобри хигиената. Еден топол летен ден, додека бил во посета на една од многуте далечни кинески провинции, неговите слуги ставиле котле на оган со цел да зовријат вода. Иако било топло, свежо ветренце ги милувало околните дрвца и грмушки. Дел од ливчињата паднале и завршиле во котлето. И, наместо вода, се појавила кафено-црвеникава течност со пријатен мирис.

Императорот, како и секој научник со истражувачки дух, бил видно заинтиригиран. Налеал малку од течноста во сад и се напил. Сите биле во исчекување на неговата реакција. Откако ја голтнал првата голтка, се насмевнал и задоволен рекол дека пијалакот е неверојатно освежувачки. Така, во сенката на кинеските пејсажи се роди традицијата на пиење чај.

Исто како и со кафето и чајот и неговата популарност се шират бргу. Од пристаништето во Макао се носи чај во Португалија, а холанѓаните го носат од Кина во Амстердам. Во XVII-от век со чајот се запознаваат и Франција и Русија. Интересно е дека чајот од Кина во Русија се носел со карвани од камили. Бидејќи патувањето било долго и скапо, чајот се сметал за многу скапоцен продукт.

Историјата на чајот е полна со истражувања, откритија, ритуали и длабока сатисфакција на сетилата. Според познавачите, оној кој пие чај има мирен, но внимателен ум. Ум полн со вистински прашања и мудри идеи. Ум кој знае дека пиењето и вкусувањето чај не е наука, туку тоа е вистинска уметност. Еднаш кога ќе научите да ги вреднувате квалитетните листови чај, останува само да уживате во неговото друштво.

Така, во смиреноста која ја носи ќе откриете дека постои време за секој чај и дека постои посебен чај за секое време. И запомнете – чајот има само еден непријател – вашиот часовник. Затоа, заборавете на него кога ќе ја ставите шолјата пред вас и дозволете им на мирисот и вкусот на чајот да ве прошетаат низ тајните одаи на сетилното уживање.